Byenveni nan
Keep It Going NYC!

Seksyon sit wèb Keep It Going NYC sa a founi manm kominote ki pale kreyòl ayisyen yo ak enfòmasyon sou kijan pou mete men ansanm nan lekòl piblik Vil Nouyòk yo.  Li founi fanmi yo ak zouti ak resous ki sipòte edikasyon pitit yo.

Konsènan Keep It Going NYC

Lekòl piblik nou yo deja ap fè anpil pwogrè. Nou deja konstwi yon fondasyon ki gen anpil fòs pou pi bon rannman nan lavni, men nou gen anpil travay ki rete pou fè.

Se pou rezon sa a Fund for Public Schools la te lanse yon inisyatif pou konesans piblik la ki rele Keep It Going NYC, ki enfòme Nouyòkè yo sou pwogrè lekòl nou an ap fè epi ankouraje tout moun mete ansanm pou kenbe siksè sa mache. Kolaborasyon avèk òganizasyon pou sipòte lekòl ak òganizasyon konminotè toutotou nan vil la, Keep It Going NYC founi zouti avèk resous pou fanmi yo ki sipòte edikasyon pitit yo epi bay Nouyòkè yo enfòmasyon sou ki fason yo ka mete men ansanm.

Lekòl ki gen siksè mande sipò ak patisipasyon pran yo, fanmi yo, ak vil la annantye. Lekòl piblik nou yo bezwen pou nou tout sèvi kòm volontè, mentò, kontribye, epi fè pati nan efò pou asire l  tout 1.1 milyon elèv nan lekòl piblik Vil Nouyòk yo resevwa edikasyon yo merite an.

Fund for Public Schools la devoue pou amelyore lekòl piblik Vil Nouyòk yo ak fason li atire envestisman prive pou refòm eskolè a epi ankouraje patisipasyon tout Nouyòkè yo nan edikasyon pitit nou yo. Pou jwenn plis enfòmasyon, tanpri kontakte Fund for Public Schools la nan info@fundforpublicschools.org or 212-374-2874.

Èske w te konnen?

• To gradyasyon yo pi wo kounye a pase plizyè dekad.
• Deplase plis pase $350 milyon nan biwokrasi pou andedan lekòl yo.
• Nòt nan Anglè yo ogmante plis pase 10 pwen depi ane 2002.
• 100% pwofesè yo nan Vil Nouyòk sètifye.
• Finalis gran pri nasyonal pou zòn  distri lekòl ibèn nan Etazini pou twazan patisipasyon.
• Depatman Edikasyon an anboche yon pwofesè pami chak senk aplikasyon yo resevwa.
• Pami 1.1 milyon elèv nan lekòl piblik Vil Nouyòk yo pale plis pase 150 lang lakay yo.
• Yo te ouvri 301 novo lekòl depi ane 2002 a.

Parents'Place

Parent’s Place la te fòme pou enspire ak sipòte paran yo, fanmi, ak moun ki founi elèv yo swen nan lekòl piblik Vil Nouyòk yo. Lè w patisipe tout kote ou kapab nan edikasyon li, lakay ou, nan salklas, ou ede pitit ou pou gen pi bon nòt, rete lekòl ak reyisi.

Nan Parents' Place la ou pral jwenn aktivite pou fanmi an ki amizan ak fason pou fè yon diferans nan lekòl pitit ou. Ou pral dekouvri nouvo fason pou ede pitit ou pou kontinye aprann pandan sezon vakans ete an lè w kite l patisipe nan aktivite ki amizan ak edikasyonèl. Patisipasyon w nan lekòl pitit ou montre li edikasyon gen anpil enpòtans pou ou. Ou ka enspire lanmou aprantisaj pou lontan nan piti ou. Parents' Place la pou ede. <

Resous ak Zouti

Ou pral bezwen Acrobat Reader pou ka wè ak enprime Resous ak Zouti Parents' Place la. Klike la a pou ale nan sit wèb Adobe a.
Telechaje novo vèzyon gratis la epi enstale si sou òdinatè w la.

Resous adisyonèl pou manm kominote an ki pale kreyòl Ayisyen disponib nan sit wèb Depatman Edikasyon Vil Nouyò (DOE) la. Liyen yo nan lis annapre la.

Paj Kreyòl Ayisyen DOE a
Gid pou Paran ak Fanmi 2006-2007
Dwa ka Responsablite Paran yo
Pwosesis Revizyon sou Kalite Lekòl yo
Gid Alfabetizasyon Fanmi a
Lis Resous Sant Sipò pou Aprantisaj
DOE Egzijans Pou Gradyasyon
Kalandriye Akademik
Règleman Chanselye yo

Edikasyon Espesyal
Gid pou Oryantasyon Elèv ki Andikape
Lèt sou Dwa Paran yo
Bwochi Paran Manm CSE yo

Moun K ap Aprann Lang Angle English language learners (ELLs)
Resous DOE ELL

Volontè

Lekòl Piblik Vil Nouyòk la bezwen tout paran Nouyòkè ak moun ki pa paran yo pou mete man nan sipò timoun nan vil nou an. Vil nou an se fwaye pou plizye òganizasyon rekoni ki founi opòtinite sèvis volontè ki gen anpil valè pou sipòte lekòl piblik yo. Si w you are enterese pou sèvi kòm volontè, mentò, oswa ofri èd nan ekspètiz ou genyen, tanpri konsidere kontakte yon nan òganizasyon li nan lis annapre a.

Big Brothers Big Sisters of New York City (Gran Sè Gran Sè)

Big Brothers Big Sisters of New York City (Gran Frè ak Gran Sè Vil Nouyòk la) se yon nan òganizasyon Nouyòk yo ki pi ansyen ak gen plis siksè nan sèvis jèn moun yo, ki founi mentò adilt pou milye jèn moun yo k ap grandi nan fwaye ki gen yon sèl paran toutotou nan vil la.
Aprann plis

Children for Children

Children for Children! (Timoun pou Timoun), se yon òganizasyon san bi likratif paran yo fonde pou pou ankouraje patisipasyon kominote an ak responsablite sosyal nan jèn timoun. Children for Children ofri opòtinite pou jèn timoun depi jadendanfan jouk lekòl segondè pou "grandi angaje," nan sèvis pratik ak pwogram filantwopik ki aprann valè fè sèvis volontè ak fè don.
Aprann plis

Junior Achievement

Junior Achievement of New York (JANY), afilye lokal JA Worldwide la, angaje pou espire ak prepare jèn moun yo pou gen siksè nan yon ekonomi global. Rezo volontè JANY an founi fòmasyon sou literati finansyè, espri antrepriz, ak aptitid preparasyon pou travay pou prèske 100,000 elèv K-12 chak ane ki nan pwogram pandan lekòl ak apre lekòl.
Aprann plis

Learning Leaders

Learning Leaders, se yon òganizasyon san bi likratif k ap selebre 50yèm anivèsè li ane sa a, ki fè rekrit, antrene, ak sipòte volontè yo (79% pami yo se paran) pou sèvi nan lekòl piblik NYC kòm titè, konseye nan kolèj, ak plis. Avèk 15,000 volontè aktif, Learning Leaders sèvi plis pase 20% nan timoun lekòl piblik yo nan plis pase mwatye tout lekòl nan vil yo.
Aprann plis

Mayor's Volunteer Center

Fonde an 1967, Mayor's Volunteer Center of New York City konekte Nouyòkè yo ak opòtinite ki gen valè pou sèvi kòm volontè pou amelyore anpil kalite lavi vil Nouyòk la. Pou jwenn plis enfòmasyon, rele Liy dirèk Mayor's Volunteer la nan 311.
Aprann plis

Mentoring USA

Mentoring USA, yon òganizasyon san bi likratif baze nan Vil Nouyòk la, ki fòje koneksyon pwisan ak transfòmatif pou jèn moun yo avèk bon defans ak patisipasyon mentò yo. Avèk modèl baze sou youn-a-youn yo itilize an, mentò kalifye yo enspire avèk egzanp e chwa modèl pozitif yo fè nan lavi yo.
Aprann plis

New York Cares

Chak ane, New York Cares mobilize dis milye volontè pou fè pati nan gwo varyete eskedil fleksib, pwojè sou baz ekip --ki enkli bay leson, fè lekti pou timoun, ak plis ankò -- ki ak fè yon enpak dramatik sou lavi jèn Nouyòkè ki nan bezwen yo.
Aprann plis

Pwogram Mentò Vil Nouyòk la

Depi ane 1983, Pwogram Mentò Depatman Edikasyon Vil Nouyòk la te ede plizyè biznis, òganizasyon, ak ajans gouvènman fè
patenarya ak lekòl segondè yo toutotou Vil Nouyòk la. Patnè patisipan yo dwe genyen omwens yon minimòm 15-20 anplwaye ki enterese pou fè sèvis kòm mentò sou baz youn-a-youn. Mentò yo sipòte elèv yo nan akademik, devlopman sosyal, eksplwatasyon nan karyè, ak konesans kiltirèl.
Aprann plis

Publicolor

Publicolor se yon pwogram inovatif ki angaje elèv ki gen gwo risk nan edikasyon yo pa angaje yo nan transfòmasyon nan espas piblik lekòl ki neglije yo ak fasilite nan vwazinaj yo avèk pwisans koulè ki vibran ak kolaborasyon òganize. Volontè Publicolor yo pentire kòt a kòt elèv yo nan koulwa, mach eskalye, ak nan kafeterya yo. Publicolor ap chèche mentò pou elèv nan kolèj li yo pou asire elèv sa yo rete lekòl epi gradye.
Aprann plis

Donate

Nouyòkè ki la kounye an ak jenerasyon nan lavni yo depann sou lekòl piblik vil yo pou bon kalite edikasyon ki prepare yo pou travay demen. Lekòl nan vil nou yo deja fè anpil pwogrè, men gen plis ki dwe fèt toujou. Pou kenbe pwogrè sa a, Fund for Public Schools la ofri divès opsyon pou fè don: fè don pou yon lekòl, yon inisyatif chwazi, Tout lekòl piblik Vil Nouyòk la, oswa bay tou lètwa.

Apatide konstwi bibliyotèk jouk antrenman prensipal yo, don pou Fund for Public Schools ranfòse fòs lekòl vil nou yo epi fè yon diferans ki siyifikan nan lavi elèv yo.

Fè Don pou Fund for Public Schools la jodi ya lè w vizite www.fundforpublicschools.org oswa voye yon chèk pa lapòs pou:

The Fund for Public Schools
52 Chambers Street, Room 305
New York, NY 10007

Fund for Public Schools se yon òganizasyon endepandan 501(c)(3) san bi likratif, ak don yo taks dediktib.

Se finans prive ki peye pou tout Keep It Going NYC la.

Nou gen anpil rekonesans pou plizyè òganizasyon yo k ap travay pou ranfòse edikasyon piblik la ak founi opòtinite pou tout Nouyòkè yo mete men ansanm. Patnè nan òganizasyon Keep It Going NYC la enkli:

American Library Association